La cljimarea alu Toma Enache, artistlu Constantin Themelis va s-tsânâ un workshop Bucureshti, la Teatrul di Artâ, tu chirolu 18-25-li di Avgustu: “Afânâsea-lu <>” i “Muzica a usiiloru, nu halatlu a hâbăriloru”.
Aestu workshop ari tu naeti sâ-lj bagâ pi lucru atselji tsi va s-ljea parti, criscândalui creativitatea, pritu fândâxirea di pirmithuseri a cafi unlui insu shi pritu aspunearea a loru pi stsenâ.
Pâhălu ti 7 dzâli, 4 sihăts/dzuuâ (10 a.m. – 14 p.m.): 200 lei
Anyrâpserli s-adarâ pânâ tu 10-li di Avgustu, la numirlu: 0758.10.50.10 (locârli suntu piriursiti/ptsâni).
Constantin Themelis – theatrinu/cântâtoru/giucâtoru/pirmithusitoru. Ari spudhâxitâ multu tehnili di formari a theatrinlui, ashi cum furâ eali dusi ma largu la Jerzy Grotowski Teatr-Laboratorium (Polonia) shi la Teatrul Odin alu Eugenio Barba (Danemarca). Ma multu, elu spudhâxi axiili intercultural ali theatrinlui/giucâtorlui, ashi cum furâ eali scoasi tu miydani tu sâtâxearea adratâ di Sculia Internatsionalâ di Antropologhii Teatralâ (ISTA, Director: Eugenio Barba).
Ursits!
ACTIVE VOLCANO / ΕΝΕΡΓΟ ΗΦΑΙΣΤΕΙΟ 